(((( منتديات وادي دوقه ))))

حن ياشعر مسقـط راسـك الابتكـار
وامك الفكرة العذرا وابـوك الضميـر
مارضعت اللبن من نهد ذات الخمـار
ولاعرفت الفطام ولا لبـاس الحريـر
انت كائن هلامي مـن بقايـا دمـار
واحتضار المبادي في الصراع الخطير
جيت من عالـم اللاشـي رد اعتبـار
لامتهان المجير بصرخـة المستجيـر
جيـت مينـا وبوابـة وشعلـة فنـار
يلتقي فيك سربين الوطـن والمصيـر
جيت تسهم مع الواقع بصنع القـرار
من خلال المنابـر والـورق والاثيـر
جيت تحكي حكايتنا عـرب باختصـار
كيف صرنا وكيف الوضع لازم يصيـر
كيف عليت كعب النابغة ليـن صـار
ينتقد بيـت للخنسـا وبيـت لزهيـر
للفرزق والاخطـل والتميمـي جريـر
كيف كنت الجهاز اللي يزيـد انتشـار
ابشع ابيات قيلت فـي قبيلـة نميـر
كيف حرضت فاروق وصلاح ونـزار
يوم كانوا لصنع الحرف رهبـان ديـر
يجعلون العروبة في خضـم الحصـار
تهتف الله اكبـر فـي تفاعـل كبيـر
كيف عيشتنـا فـي لـذة الانتصـار
بينما تعلـن الابـواق شـؤم النذيـر
كيف والقدس كم خطوة من الانتحـار
ننسجم في قصيدة شاعـر ونستخيـر
عمرك يقاس بالتاثير عكـس العمـار
نوب عمرك طويل ونوب عمرك قصير
تحسب ان الخلف مثل السلف يستثـار
بس ما عاد فيهم حيـل مهمـا تثيـر
وش كثر كنت ياهالشعر مصدر دمـار
كثير ما كنت معطـاء وقليلـك كثيـر
أمة الضاد مـا للضـاد فيهـا وقـار
عزتي ياعدمنا خيلنـا ان لـم تغيـر
سافر مع اي طيارة وفاقـرب مطـار
قبل الاغلاق واعلان النـداء الأخيـر
لاشعوبـك شعـوب ولاديـارك ديـار
ولاحياتك حياة ولا مصيـرك مصيـر
واترك الشمس تكسف لو بوضح النهار
أصلا التايه اعور والمقـدّي ضريـر
ابـراهــيــم الـشـيــخــي
_________________

صح لسان الشاعر وسلم بنان الناقل
مشكور على القصيدة الجميلة